يا ماما ايدى واوا يا زمالك!!

[size=18]

ياماما
ايدى واوا لجماهير نادى الزمالك العظيمة..ويا ماما ايدى واوا
للزمالك..وياماما ايدى واوا لجمهور مصر بمناسبة بدأ موسم كروى شاق اسمه
الدورى الممتاز..ايه ده..نسيت اترجملكوا..انا بقول كل سنة وانتم كلكم
طيبين يا زمالكاوية عشان بدأ الدورى..وعدم اللامؤاخذة..ياماما ايدى واوا
ده..يعنى كل سنة وانتم طيبين بس..بالصينى!!

بكين بدات..واجواء بكين
عم تعقد على رأى اللبنانيين..ولازم نشارك الصينين احتفالاتهم وخصوصا
الاجواء تخليك مش قادر لا تفكر فى دورى ولا يحزنون..بداية موفقة يا زمالك
بكل المقاييس..وفعلا يابابا كى ميكى ..يعنى الف مبروك بتحقيق اول
فوز..ويونج بونج شى..لا عدم اللامؤاخذة انا بكح بس!!

مبروك فوز اول
مستحق بالامس..ومابين الامس واسبوع اخر يوليو..شتان الفارق..اخيرا اصبح
الاهتمام المنصب فقط على اخبار فريق الزمالك..لا مجلس معين و لا مجلس
منتخب ولا صقر ولا مرتضى.. ولا اى شىء يعكر المشجع الزمالكاوى عن التركيز
التام فى مساندة فريقه..كانت بالفعل فقرة جميلة قدمها اللاعبون
بالامس..بدأها بداية سعيدة..دون دخول فى تفاصيل المباراة من شرح ولا
يحزنون.

وان كان لى كثير من التحفظات لن اذكرها الان..ولكن اتوجه
لمن قالوا ان التشاؤم كان مبالغ فيه الفترة الماضية..فان نتيجة المباراة
لا تفك هذا التشاؤم ابدا..وانا كان لابد واصبح الان يزول خطوة خطوة..
فبالامس كان لابد ان تشعر ان هناك شىء اسمه خطه..وهذا حدث بالامس ومنذ
فترة..لعب من الاجناب .. التزام خططى كبير وفنيات لابأس بها..تشعر انه
افادة لصالح الفريق ككل وليس كأسماء او انانية مما ادى لظهور الزمالك بشكل
تعاونى وان عكر الصفو جمال حمزة بما فعله..والضحية بما انه ليس مصرى فكان
الطرد حليفه رغم المخطىء كان..جمال حمزة!!

امس شعرنا ان هناك فريق
كرة يمكنه ان يفوز..امس شعرنا اننا فريقا متماسكا رغم النقص العددى فى
الشوط الثانى..انما ايضا لم يظهر المحلة كبعبع العام الماضى..وكان الحظ
اخيرا حليفنا فى كرات عديدة.. وان تخلى فى فرص سهلة عنا..ولكن من حسن الحظ
والذى جعل جماهير الزمالك تنسى مهزلة حمزة وريكاردو هو هدف فتح الله
القاتل فى بداية الشوط الثانى..الذى لو لم يدخل لحدث ما لايحمد عقباه.

اثبت
الوحش وحيد انه رجل بمعنى الكلمة وكانت لفتة شيك منه بالذهاب للجماهير مع
اوسه..واقول له ان الكبير كبير..واثب منصف ان كل ماحدث له من قبل وتعملقه
بالامس ماهو الا اشارة منه انه رجل زمالكاوى حتى النخاع فما تعرض له اوسه
من ضغوط جماهيرية كانت كفيلة بالقضاء عليه كلاعب انما فعلا اثبت بخلقه
وحبه للزمالك وثباته انه من طراز فريد.

سأكتفى بهذا القدر عن
الكلام فى المباراة..وكل ما اود قوله..الزمالك قادر بالفعل ان يعود
وبسهوله.. لو احب كل لاعب الاخر بشكل بدأنا فى التماسه وخصوصا عند ذهاب
اللاعبين لتهنئة لاعب ساعة احراز هدف..هناك جدية فى اللعب..تبادل خططى
وتكتيكى اثناء المباراة..ظهر مليا ان الزمالك يمكنه ان يتعملق لو شعر كل
لاعب ان ابقاء اسم الزمالك فى المعترك المصرى والافريقى سيزيد منه اكبر من
ان يهتم بفردية لن تسمن او تغنى.

اذا اصبحت العقوبات غليظة ومنفذه
لاحبر على صفحات الجرائد..لو عوقب كل لاعب باللائحة..لو اصبح ليس هناك
كبير وصغير.. مقاما واسما وشعبيه..لو تخلى الجمهور قليلا عن عاطفته..لو
اصبح هولمان له كل السلطات..يوقف لاعب يفرض عقوبه..يغير لاعب دون همهمة
جمهور..لو اصبح جمهور القاهرة دوما مثل صور جماهير الاقاليم المشتاقة
لزيارة الزمالك ارضها..او يوم شاهدنا هذا الجمهور العظيم يوم مباراة
ديناموز.

المسئلة شيكوكو ريكى مسياتو..يعنى بالصينى تكاتف
وترابط..والموضوع بكينى حاد فى الساحل الشمالى سيؤدى بالطبع الى دربكة فى
اوساط مصر الرياضية مما يؤدى الى تخلخل فى اوساط الزمالك من الناحية
الفنية الرياضية عن المدار الاستوائى..وارجوكم اعذرونى من هذه الجملة
الاخيرة..فهى كانت حالة الزمالك منذ اسبوعين تقريبا..وهو ما عاتبنى الكثير
من الاحباط الواضح على فى المقال الاخير.

كلمة اخيرة..اذا اردنا
عودة الزمالك..فلا نبالغ هذه الفترة فى الفرح بشكل كبير..ولانتشائم لمجرد
تعادل او حتى هزيمة او اداء..الفريق قاعدته مجلس ادراة قوى فعلا..واصبح
بناء الهرم قاعدته سليمة..فلنبدأ فى وضع حجر اساس سليم حتى تكون النتيجة
الحقيقية ليست مجرد فوز على الاتحاد فى مباراة قادمة او لعب مباراة امام
انبى غاية من الروعة..فالنتاج الحقيقى سيكون يوم 12 سبتمبر يوم مباراة
الاهلى فى العودة الافريقية بالاضافة الى موقف الفريق الافريقى.

ادعو
الله عز وجل ان تكون مباراة المحلة فاتحة خير فعلا..و ان يستمر فعلا
ماشاهدناه حتى وان لم يكق فويا جدا بالالتزام والجدية والحماس الذى سيقود
هذا الفريق للاحسن..واعتقد ان الامل قادم طالما يوجد جماهير عظيمة بهذا
الشكل..وفريق يخاف على حب الجماهير..وياماما ايدى واو وانتوا طيبين وبسيكا
و ميكا وسلامة.

قبل ان ارحل:

مدحت
شلبى..هذا الرجل الذى يعرف الجميع كم يحب الاهلى ويعشقه..اصبح خائنا
و...و...و.... لمجرد ابداء رأيه فى قناة الاهلى سواء بالدلائل او كرأى
شخصى..صحيح جماهير الاهلى فوق الجميع..ابسط يا بشير!!

اذا ارتبط اذهان الجمهور ان اجوجو حامى الحمى والعرين وسعيد غالق عكا فى
الخلف..لن نتقدم..نعم لابد ان نعلم تماما ان الجميع اضافة..وليسوا هم من
يصنعوا انجازات الزمالك.

ارجو ان يكون موضوع حمزة
غير مبالغ فيه..فابراهيم سعيد ووليد صلاح فعلوها من قبل..وايضا الاهلى
بتدريباته العام الماضى..والموضوع ليس اهلى وزمالك بقدر التزام المذنب
بالقرار.

يبدو ان موسم هذا العام سيكون ساخنا لن تطفئه فتح تكييفات سوى تكييفات احترام الخصم.

ادعو
الله عز وجل ان يعلم لاعبى الزمالك ان الامال عليهم كبيرة هذا
الموسم..فيعلموا ان هذا الموسم لن يكون رحيما بهم فى حالة اى اخفاق لاقدر
الله.

: من اقوال ينج بى شى
"شيماما..بينجو..رينجو..سيكى فيفا بوهايا كوزايموس يا اهلى"..ويقصد
بالصينية ..عمرك شفت حد بيشفر ماتشات فريقه يا اهلى..واضاف.."رينجو
امى"..يعنى ارحم امى بقى.

هههههههههههههه
تسلم ايدك

ميرسي يا حوكة
منقول

walllllhy el a3rfo en 7adretk zamllkawy ya3ny malkesh 3elka be el maoodoo3 da nha2y

يعني هوا انا عايش في بنها ازاي ماليش دعوة

يا عم معلش
دنتا شكلك من بنها فعلن ياض

ايوه ما لكش دعوه ده حق الاهلي انت مش اهلاووي فا مش من حق تدخل في الموضوع من حق الاهلي ان يشفر الماتشات و انا موافق علي الراي ده

هههههههههههههه والله كل ماشوف الموضوع ده أقعد أضحك
أصلي أول مرة أشوف نادي بيشفر ماتشاته
طب مالفرق الأوروبية عندهم قنوات و مفيش حاجة اسمها تشفير ماتشات
و لو انتا معاك فلوس غيرك مش معاه عشان يتفرج صحيح هوا مش هيشوف الأملة بس برضه مينفعش

ماشي يا بنو اهدا شوية
بس امام اشوفك

مانا هادي يا حوكة بس الأهلاوية دول يا أخي بيجننوا الواحد
دانا عندي عيال و مش عايز أتجنن

ya 3am fahemny hatfer2 ma3ak fe eh ma3ak aw ma3aksh enta keda keda msh hatshof el matchat el ahly

انا بشوف ماتشات الأهلي طبعا عشان افرح فيه زي ماتش المصري اللي بهدلكو و مرمطكوا