المنحوس منحوس

موضوع: المنحوس منحوس الأحد أغسطس 03, 2008 5:22 am

واحد شكله غلبان ويصعب عالكافر

قاعد على قهوه

وباصص لكوباية شاى قدامه ومتنح !

شافه واحد رذل عامل نفسه فتوه

فقال أما اروح أتنطط عليه شوية

راح دخل عليه وشادد الكوباية من قدامة

وشربها على بق واحد

وحطها قدامه فاضيه

وقاله ماتنساش تدفع البقشيش !

الراجل راح منفجر في العياط والنهنهة!

لدرجه إنه صعب على الفتوه

فخبط على كتفه

وقاله ياراجل ماتعملش في نفسك كده

معقوله راجل بشنبات يعيط علشان كوباية شاى بخمسين قرش؟!

قاله أنا مش بعيط علشان كباية الشاى

انا بعيط علشان النهارده أسوأ يوم في حياتي!

صحيت الصبح متأخر

فأخذت الموتوسيكل بتاع أخويا علشان ألحق أفتح المحل

بس برضه وصلت متأخر وصاحب المحل هزأنى

ما أستحملتش راح طاردنى

جيت أخذ الموتوسيكل علشان أروح لقيته أنسرق

رحت أبلغ أخويا

أتهمني بسرقته!

و بعد ما ضربوني في القسم علشان أعترف طلعونى بكفالة مش عارف حاسددها ازاى

وحتى لما قررت أنتحر

جيت أشرب كوباية السم

جيت أنت وخطفتها من إيدى وشربتها

دا أنا حظى نحس أوى!

ههههههههههههههههههههه

جامدة اوى

مرسي يا شروق

شكرا يا حوكا على مرورك وردك

يارب تكون عجبتك

ههههههههههههههههههه
جامدة اخر حاجة يا شرووق

هههههههههههههههههه
جامدة

مرسي يا جماعة ويارب تكون نالت اعجابكو